Новости

Илемлĕ чăваш чĕлхи

Ака уйăхĕн 26-мĕшĕнче  чӑваш чӗлхи эрнине халалласа 6-8-мĕш  класс ачисем «Литературăпа ÿнер монтажĕ» класс тулашӗнчи мероприяти кăтартрĕç.  Вĕсем  ĕлĕк  çамрăксем  пуçтарăнса  ларма-каçсенче вылянă «Çĕрĕ шырамалла» вăййа вылярĕç.
Чăваш чĕлхи вĕрентÿçи С.Д.Сердцева вăййа пуçланă май тĕллевсене палăртрĕ:  сапăрлăх тĕллевĕ - тăван чăваш халăхĕн вăййисене сăнама, юратма, выляма вĕрентни; вылянă май пĕр-пĕрне хисеплеме, пулăшу пама хистени; пĕлÿ тĕллевĕ -  вăйă юхăмне, тумалли хусканусене, ĕçсене чăвашла ăнланса тума хăнăхтарни; ăнлантару тĕллевĕ - вăйă юхăмне ас туса пыни, вăйăра тĕл пулакан самантсене çыхăнуллă та вырăнлă пуплевпе  усă курса ăнлантарни, сăмах йышне пуянлатни.
Вăйăра атте аннене халалласа сăвăсем, тупмалли юмахсем, ваттисен сăмахĕсем, каларăшсем каларĕç, юрăсем юрларĕç, ташăсем ташларĕç.